Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Новосибирскиның татар балалары җәйге лагерьда милли белем һәм тәрбия алачак
Новосибирск өлкәсендә “Милләтебез хәзинәләре Себер сандыгында” дип исемләнгән җәйге лагерьның профильле балалар сменасы оештырыла.
(Казан, 17 июль, “Татар-информ”). Новосибирск өлкәсендә “Милләтебез хәзинәләре Себер сандыгында” дип исемләнгән җәйге лагерьның профильле балалар сменасы оештырыла. Бу хакта Бөтендөнья татар конгрессы матбугат хезмәте хәбәр итә.
Смена программасында иҗади остаханәләрдә тарих, тел, вокал, халык биюләре, сынлы сәнгать буенча дәресләр уздыру каралган. Шулай ук милли үзенчәлекләрне үз эченә алган уеннар, бәйгеләр һәм башка чаралар үткәреләчәк.
Лагерь12 августтан 21 августка кадәр эшләячәк. Сменаны уздыру урыны - Новосибирскидан - 140 һәм Кемероводан 150 чакрым ераклыкта урнашкан “Яшел йорт” (“Зеленый Дом” ) ял базасы. Смена 10 көн дәвам итәчәк. Анда 10-16 яшьтәге балалар кабул ителә.
- Җәйге лагерьның профильле сменасы Новосибирск өлкәсенең татар милли-мәдәни мохтарияте тарафыннан Татарстан Мәдәният министрлыгы, “Идел” яшьләр үзәге, Новосибирск татар мәдәни үзәге ярдәмендә оештырыла.
Кызыклы яңалыкларны күзәтеп бару өчен Телеграм-каналга язылыгыз