Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Новосибирскида торак йортта газ шартлау аркасында һәлак булучылар саны 15 кешегә җиткән
9 февральдә Новосибирскида биш катлы торак йортта газ шартлау һәм өйнең бер өлеше җимерелеп төшү нәтиҗәсендә һәлак булучылар саны 15 кешегә җиткән: хастаханәдә тагын бер хатын-кызның гомере өзелгән. Бу хакта РИА Новости агентлыгы өлкә Сәламәтлек саклау министрлыгы вәкиленә сылтама белән хәбәр итә.
Пәнҗешәмбе көнне, 9 февральдә, Новосибирск шәһәренең Линейная урамындагы 39нчы йортта көнкүреш газы шартлаганнан соң дүрт подъездлы биш катлы өйнең ике подъезды өлешчә җимерелеп төшкән иде. Нәтиҗәдә, 30га якын фатир җимерелгән, 14 кеше һәлак булган. Әлеге йортта газ плитәләренә хезмәт күрсәткән Омск өлкәсендә яшәүче ике кеше тоткарланган. Соңгы вакытта хастаханәләрдә биш зыян күрүче дәвалануын дәвам иткән.
«24 февральдә авыр хәлдәге пациентны ашыгыч ярдәм машинасы белән «Ортос» тернәкләндерү үзәгеннән (аны бирегә операциядән соң, дәвалау стандартлары нигезендә, травматология һәм ортопедия фәнни-тикшеренү институтыннан тернәкләндерүнең икенче этабын үтү өчен күчергән булалар) «үпкә артериясе тромбоэмболиясе» диагнозы белән Бердск шәһәр хастаханәсенең реанимация бүлегенә китерәләр. Интенсив, шул исәптән тромболитик терапия үткәрүгә дә карамастан пациентның йөрәге тибүдән туктый», - дип хәбәр итте чыганак.
Кызыклы яңалыкларны күзәтеп бару өчен Телеграм-каналга язылыгыз