Татар дөньясы 28 июль 2019 11:16

Новосибирскида Себер татар яшьләре фестиваленә әзерләнәләр

Форум быел уникенче тапкыр татар мәдәниятенә һәм ана теленә битараф булмаган яшьләрне үзенә җыячак.

Скопировать ссылку

(Казан, 28 июль, “Татар-информ”). 26-29 сентябрь көннәрендә Новосибирск өлкәсендә Себер татар яшьләре форумы узачак. Бу хакта өлкә татарлары милли-мәдәни үзәге хәбәр итә.

Форум быел уникенче тапкыр татар мәдәниятенә һәм ана теленә битараф булмаган яшьләрне үзенә җыячак. Чараның максаты - татар мәдәниятен, гореф-гадәтләрен һәм йолаларын татар яшьләре арасында популярлаштыру, яшьләр сәясәте өлкәсендә тәҗрибә уртаклашу һәм элемтәләрне ныгыту.

Себер татар яшьләре форумында 16-35 яшьлек егетләр һәм кызлар катнаша ала. Россия төбәкләреннән һәм якын чит илләрдән иҗат белән кызыксынучылар, яшь журналистлар, КВН уйнаучылар, галимнәр, спортчылар һәм татар иҗтимагый оешмалары активистлары җыелыр дип көтелә.

#новосибирск #себер татар яшьләре #фестиваль

Сәхифәләр

Новосибирскида Себер татар яшьләре фестиваленә әзерләнәләр