Җәмгыять 7 октябрь 2016 17:39

Новосибирскида программист өлкәннәр өчен балалар бакчасы ачкан

Пятковский сүзләренчә, Россиядә әлегә андый балалар бакчасы юк, АКШта гына бар.

Скопировать ссылку

(Казан, 7 октябрь, «Татар-информ»). Новосибирскта программист Евгений Пятковский шәһәрнең “Себер башкаласы” дип атап йөртелүче районында өлкәннәр өчен балалар бакчасы ачкан. Бу хакта РИА “Новости” хәбәр итә.

"Минем кызым балалар бакчасына бик теләп йөри. Без дә дусларым белән үзебезне бакчага йөргәндә бик бәхетле булганлыгыбыз турында фикер алыштык. Менә шуннан инде өлкәннәр өчен балалар бакчасы ачу фикере туды”-, дип сөйләгән Пятковский РИА “Новости”га.

Ул күп кенә кешеләрнең, гадәттә офис хезмәткәрләренең гадәти ритмнан үзгәрәк итеп ял итү өчен төрле квестларда, психологик тренингларда ктнашуын билгеләп үткән. Ә бу бакча, аның сүзләренчә, шуңа бик әйбәт альтернатива булып тора.

Пятковский сүзләренчә, балалар бакчасына килүчеләргә СССР вакытындагы бакчаларның традицион ризыгы - ботка, запеканкалар, какао тәкъдим ителә. " Олы балалар" белән элек эшләгән яки хәзерге тәрбиячеләр шөгыльләнә. Төркемнәргә яшь буенча ун кеше алына, алар җырлар башкарачак, пластилиннан әвәләп фигуралар ясаячаклар һәм башка шундый иҗади биремнәр булачак. Бакчада бер көн булу өч мең сумга төшә.

“Сез көнегезне телефонсыз күптән үткәрдегезме, яки күптән көндез йоклап алдыгызмы? Биредә барысы да бар һәм кешеләргә көнне болай үткәрү кызык булачак”,- дигән проект авторы. Бакча алдан язылу буенча эшли һәм әлегә анда көннәрен үткәрү теләген күбрәк 28 дән 40 яшькә кадәрге ир-атлар һәм 23 яшьтән 30 яшькә кадәрге хатын-кызлар белдергән.

Пятковский сүзләренчә, Россиядә әлегә андый балалар бакчасы юк, АКШта гына бар. Әлеге ир-ат планында шундый балалар бакчаларын Мәскәү һәм Санкт-Петербург калаларында ачу каралган.

Евгений Пятковский Новосибирскта коллектор агентлыкларының бурычлыларга шалтыратуларын блокировкалаучы "Антиколлектор" кушымтасын эшләтеп җибәрүе белән танылган кеше.

#Олылар өчен балалар бакчасы #Новосибирск

Сәхифәләр

Новосибирскида программист өлкәннәр өчен балалар бакчасы ачкан