Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Новосибирск спортчылары көрәш һәм билбаулы көрәш турнирында призлы урыннар алды
Узган ялларда Новосибирск спортчылары көрәш буенча Себер федераль округы чемпионатында һәм Томскида билбаулы көрәш (ирекле стиль) буенча Себер федераль округы беренчелегендә уңышлы чыгыш ясады. Бу хакта «ВКонтакте» социаль челтәрендә «Новосибирск өлкәсе татар мәдәни үзәге» төркемендә хәбәр ителә.
Ярышларда Россиянең 8 төбәгеннән 92 спортчы катнашты. Алар - Камчатка крае, Красноярск крае, Алтай крае, Хакасия Республикасы, Тыва Республикасы, Кемерово, Томск һәм Новосибирск өлкәләре.
Көрәш буенча Себер федераль округы чемпионатында 90 кг га кадәрге авырлыкта Иван Волков һәм 100 кг га кадәрге авырлыкта Станислав Бондаренко 1 урынны, 90 кг га кадәрге авырлыкта Рамир Очур 2 урынны алды.
Билбаулы көрәш буенча Себер федераль округы беренчелегендә 90 кг га кадәрге авырлыкта Иван Волков 1 урынны, 100 кг га кадәрге авырлыкта Станислав Бондаренко 2 урынны, 82 кг га кадәрге авырлыкта Шамил Агаян 3 урынны алды.
Яшүсмерләр арасында Себер федераль округы беренчелегендә 90 кг га кадәрге авырлыкта Рамир Очур беренче булды.
«Без спорчыларыбыз һәм аларның казанышлары белән горурланабыз. Хезмәтегез, үҗәтлелегез һәм җиңүгә омтылышыгыз өчен рәхмәт!» - диелгән хәбәрдә.
Кызыклы яңалыкларны күзәтеп бару өчен Телеграм-каналга язылыгыз