Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Новосибирск шәһәрендә Тукай һәм Җәлилгә багышланган әдәби кичә үтте
Новосибирск шәһәрендә Бөтендөнья Шигърият көнен билгеләп үттеләр. 21 март - Бөтендөнья шигърият көне. Бу календарьдагы дата гына түгел, бу – дөнья рифмалар белән, ә йөрәк илһам белән тулган көн, дип хәбәр итә Новосибирск өлкә татар мәдәни үзәге.
Куйбышев районы Бергул авылы мәктәбендә әсәрләре татар халкының зирәклеге символына әверелгән ике даһи Муса Җәлилнең тууына 120 ел һәм Габдулла Тукайның тууына 140 еллыгы уңаеннан «Җәлил белән Тукай – шигъриятнең ике кояшы» дигән әдәби кичә үтте. Аны рус теле һәм әдәбияты укытучысы Надия Хонанова һәм «Ак калфак» татар хатын – кызлары иҗтимагый оешмасы җитәкчесе Зөлфия Сунарова үткәрде.
Надия Хонанова шагыйрьләрнең дөнья әдәбиятындагы роле турында сөйләде. Муса Җәлил тормышына һәм иҗатына багышланган викторина үткәрде. Зөлфия Сунарова Габдулла Тукайга багышланган викторина үткәрде. Балалар үтенече буенча «Шүрәле» әкиятен сөйләде.
Театр түгәрәгенә йөрүче балалар Габдулла Тукайның «Кәҗә һәм Сарык» әкияте буенча өзек күрсәтте.
Очрашуда Муса Җәлилнең 120 еллыгына багышланган «Татар сүзе яңгырый» халыкара конкурсында катнашкан укучыларга дипломнар тапшырылды.
Кызыклы яңалыкларны күзәтеп бару өчен Телеграм-каналга язылыгыз