Татар дөньясы 12 ноябрь 2024 20:41

Новосибирск шәһәрендә «Әни теләкләре» концерты була

Скопировать ссылку

Новосибирск шәһәренең Татар мәдәнияте йортында «Әни теләкләре» концерты була. Бу хакта «Новосибирск татарлары» «ВКонтакте» челтәрендә сәхифәсендә хәбәр итәләр.

Концертта вокалистлар һәм иҗат коллективлары, шул исәптән икенче татар хатын-кызлары форумы катнашучылары, татар җырларын башкарачак.

Программада Язгөл Ногманова җитәкчелегендә «Илһам» әдәби клубы һәм татар бизәнү әйберләре ясау остасы Гөлия Ибраһимова оештырган заманча татар хатын-кыз киемнәре һәм бизәнү әйберләре күрсәтеләчәк.

Татар мәдәнияте йорты фойесында Батырхан Кыстаубаевның шәхси коллекциясеннән безнең эрага кадәр 1500 гасырдан һәм 19 гасырга кадәрге борынгы хатын-кыз бизәнү әйберләре экспозициясен карап булачак. Шулай ук ярминкәдә заманча бизәнү әйберләре һәм товарлар сатып алу мөмкинлеге дә була.

Сәхифәләр

Новосибирск шәһәрендә «Әни теләкләре» концерты була