Новосибирск өлкәсендә «Милләтебез хәзинәләре - Себер сандыгында» этномәдәни фестивале уза
Скопировать ссылку
2026 елның 6-16 августында Новосибирск өлкәсендә «Милләтебез хәзинәләре - Себер сандыгында» балалар этномәдәни фестивале узачак. Бу хакта Бөтендөнья татар конгрессы матбугат хезмәте хәбәр итә.
10 көн дәвамында балалар татар теле, вокал, кулинария һәм милли бию дәресләренә йөриячәк, гамәли сәнгать һәм рәсем сәнгате буенча иҗат остаханәсендә шөгыльләнәчәк. Шулай ук аларны татар халкы мәдәнияте белән таныштыра торган мавыктыргыч уеннар, конкурслар һәм башка бик күп чаралар көтә.
«Сабантуй» милләтара балалар танып белү-уен программасын үткәрү сменаның финалы булачак.