Татар дөньясы 12 август 2024 16:43

Новосибирск өлкәсендә балалар татар әкиятләре сюжетлары буенча фильм төшергән

Скопировать ссылку

1 августтан 11 августка кадәр «Идел» яшьләр үзәге ярдәмендә «Милләтебез хәзинәләре Себер сандыгында» ІХ балалар иҗат сменасы узды. Бу хакта Бөтендөнья татар конгрессы матбугат хезмәте хәбәр итә.

Педагоглар һәм 38 бала Тогучин районындагы «Яшел йорт» ял базасында 10 көн булды. Кызыклы бай программага татар теле, вокал, хореография, декоратив-гамәли иҗат һәм кулинария дәресләре, шулай ук традицион һәм яңа конкурслар, спорт турнирлары, команда барлыкка китерүче процесслар һәм уеннар кертелгән иде. Шулай ук татар әкиятләре сюжетлары буенча фильм төшергәннәр.

Смена тәмамлангач, педагоглар һәм ата-аналар белән балалар Сабан туе үткәрде, анда сменада өйрәнгән җыр-биюләр, уен программасы тәкъдим ителде.

Сәхифәләр

Новосибирск өлкәсендә балалар татар әкиятләре сюжетлары буенча фильм төшергән