Новокузнецкидагы II халыкара Сабантуйда чит илләрдән 50 шахтер чакырылган

Скопировать ссылку

Кемерово өлкәсенең Новокузнецк шәһәрендә уза торган II халыкара Сабантуйда төрле төбәкләрдән һәм чит илләрдән 50 шахтер чакырылган. Алар шахтерлар парадында катнашты.

Шул исәптән, Кыргызстан һәм Казахстаннан дүртешәр шахтер, ЛНРдан 8 шахтер килгән. Донбасс шахтерлары парадка беренче булып чыкты. Абузовлар династиясе – Рәшит һәм аның улы Ринат беренче булып чыктылар. Рәшит Абузов – Луганскиның Алчевск шәһәре «Таң» татар милли-мәдәни үзәге җитәкчеләренең берсе. Хәлим Вергасовның 40 еллык стажы бар.

Сабантуйда Луганск Халык Республикасы җитәкчесенең Татарстан Президенты һәм Кузбасс губернаторына тәбрикләү хатын укыдылар. «Чын күңелемнән бәйрәм белән котлыйм... Бу бәйрәмдә Луганск делегациясе катнашуы ике арадагы дуслыкның ныгуына китерер дип өметләнәм», - диелгән Леонид Пасечникның Рөстәм Миңнехановка адресланган котлавында.

Коми өлкәсен Воркута шәһәреннән Садертдиновлар династиясе шахтада гомуми 206 ел эшләгән. Сафиннар династиясенең уртак стажлары 213 ел тәшкил итә. Сафиннар династиясенең уртак стажлары 213 ел тәшкил итә,

Сабантуйда Кузбасска татарларның бу төбәккә килүе хакында мәгълүмат бирелде. Татарлар башлыча 1930 еллардан соң бу төбәккә күпләп килеп урнашкан. Татарстаннан гына да 300 меңләп кеше бу якларга күченгән.

Сәхифәләр

Новокузнецкидагы II халыкара Сабантуйда чит илләрдән 50 шахтер чакырылган