Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Новокузнецк шәһәрендә итекле хоккей буенча балалар турнирында җиңүчеләр ачыкланды
Кемерово өлкәсе мөселманнары Диния нәзарәтенең «Чулпан» мәчете территориясендә киез итекле хоккей буенча спорт ярышлары тәмамланды. Уеннарда Орджоникидзе районы «Абашевец», Новокузнецк шәһәренең «Чулпан» һәм «Абдурахмон» мәчетләре балалар командалары катнашты.
Ярышта катнашучыларны «Чулпан» мәчете имам-хатыйбы Әнвәр хәзрәт Аширов сәламләде. Уенны карарга мәчеткә йөрүчеләрдән тыш, якын-тирәдәге урамнардан хоккей яратучылар дә җыелды. Бу хакта Россия мөселманнары Дини җыенының матбугат хезмәте хәбәр итә.
Турнирда «Чулпан» мәчете уенчылары җиңде, алар ике уенда көндәшләрен 4:0 һәм 2:1 исәбе белән отты, икенче урынны «Абашевец» командасы, ә өченче урынны «Абдурахмон» мәчете уенчылары яулады.
Уеннар тәмамланганнан соң барлык командаларга грамоталар һәм тортлар тапшырылды.
Укучылар судьялар составына һәм турнирны оештыручыларга югары профессионализм, кышкы спорт бәйрәмен оештыруда иганәчелек өчен рәхмәт әйтте, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз