Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Норвегиядә һәлакәткә очраган суднода Россия кешеләре дә бар
Меңнән артык кешене вертолет белән эвакуацияләгәннәр.
(Казан, 24 март, «Татар-информ»). Норвегиядә диңгез яры буенда һәлакәткә очраган Viking Sky судносы экипажы составында Россиядән өч граждан бар. Бу турыда шимбә көнне Россиянең Норвегиядәге илчелегендә хәбәр иттеләр. Бу турыда «Интерфакс» яза.
Норвегиянең көнбатыш яр буенда судноның двигателе ватылып, ул туктап калган. 1,3 мең чамасы кешене вертолет белән эвакуацияләгәннәр. Эвакуация эшләрен башлагач, дулкыннар лайнерны ярга китергән. Соңрак бер двигательне эшләтеп, бу проблеманы хәл иткәннәр. Мәскәү вакыты белән 21.00 сәгатьтә лайнер бортыннан йөзгә якын кешене эвакуацияләгәннәр.
«Көньяк Норвегиянең берләштерелгән эзләү-коткару операцияләре координация үзәге мәгълүматлары буенча эвакуация эшләре бара. Пассажирлар арасында Россия гражданнары юк, әмма экипажның өч әгъзасы - Россиядән», - диелгән илчелекнең фейсбуктагы хәбәрендә.
Илчелек Россия гражданнарына ярдәм итү буенча Норвегия вәкилләре белән элемтәдә тора.
Һәлакәт урынында һава торышы катлаулы булуы күзәтелә.
Кызыклы яңалыкларны күзәтеп бару өчен Телеграм-каналга язылыгыз