Җәмгыять 23 апрель 2018 11:16

Нократ Аланы янындагы елгада боз кузгалган

Мишә һәм Иж елгаларында су күтәрелә бара, ә Ык елгасында ул ярларыннан ташып чыккан.

Скопировать ссылку

(Казан, 23 апрель, «Татар-информ»). Нократ Аланы янындагы елгада боз кузгалган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.

Мишә һәм Иж елгаларында су күтәрелә бара, ә Ык елгасында ул ярларыннан ташып чыккан.

Куйбышев һәм Түбән Кама сусаклагычларында суның биеклеге критик ноктадан ике метрга түбәнрәк, ә Чабаксар ГЭСының түбәнге өлешендә су аннан нибары 90 сантиметр ераклыкта тора.

Азнакай һәм Нурлат районнарындагы берничә күпер, шулай ук Арча районының Кәче авылына илтә торган юл әле дә булса су астында. Гадәттән тыш хәлләр министрлыгы хезмәткәрләре әйләнгеч юллар оештырган һәм тәүлек әйләнәсе кизү тора.

#су басу

Сәхифәләр

Нократ Аланы янындагы елгада боз кузгалган