Мәдәният 26 гыйнвар 2010 15:49

Әнкарада Халыкара яшьләр фестивале узачак

13-20 майда Әнкарада Төркиядә ел саен билгеләп үтелә торган Яшьләр һәм спорт көне уңаеннан Халыкара яшьләр фестивале оештырыла

Скопировать ссылку

(Казан, 26 гыйнвар, “Татар-информ”). 13-20 майда Әнкарада Төркиядә ел саен билгеләп үтелә торган Яшьләр һәм спорт көне уңаеннан Халыкара яшьләр фестивале оештырыла. Аны Төркиянең «Fomged» яшьләр клубы үткәрә.
Яшьләр клубы менә инде егерме бер ел буе Төркия чит ил эшләре министрлыгы, яшьләр эшләре һәм спорт буенча Генераль Департамент белән берлектә халыкара фестивальләр оештырып килә. Аларның максаты – бөтен дөнья яшьләрен берләштерү, дуслык һәм тынычлык мөнәсәбәтләрен ныгыту.
ТР Мәдәният министрлыгының матбугат хезмәте хәбәр иткәнчә, фестивальгә 15 яшьтән алып 26 яшькә кадәрге, социаль, мәдәни, спорт һәм сәнгать чараларында актив катнашучы яшьләр чакырыла. Алар ике категория – фольклор, заман биюләре, музыка төркемнәре, оркестрлар һәм традицион урам перфомансын тәкъдим итүче, шулай ук социаль, мәдәни, спорт өлкәләрендә иҗат итүче төркемнәр (рәсем ясау, керамика, келәмнәр тегү, агачтан әйберләр ясау, шахмат, өстәл теннисы, акробатика, урам музыкантлары, пантомима, традицион кухня, карикатура һәм башкалар) буенча заявка бирергә мөмкин. Тулырак мәгълүматны www.fomgedclub.com сайтында алырга була.

Сәхифәләр

Әнкарада Халыкара яшьләр фестивале узачак