Нижневартовскида «Җәлил укулары» V ачык шәһәр әдәби конкурсында җиңүчеләрне бүләкләү тантанасы булды.
Чарада шәһәр хакимиятенең мәгариф департаменты директоры вазифаларын башкаручы Дмитрий Котов, «Патриот» үзәге директоры Фаил Кадров, Нижневартовскиның «Мирас» татар милли-мәдәни автономиясе иҗтимагый оешмасы рәисе Рафаил Мөхәммәтҗанов катнашты. Бу хакта Бөтендөнья татар конгрессының матбугат хезмәте хәбәр итә.
Алар катнашучыларны, жюри әгъзаларын, ата-аналарны сәламләде, конкурста җиңүчеләрне һәм призерларны бүләкләде.
Быел конкурста 300 кеше катнашты. Өч номинациядә 112 кеше җиңүче һәм призер булды. Аларга диплом һәм кыйммәтле бүләкләр тапшырылды.
Чарада Раилә Юмагулова җитәкчелегендәге «Шатлык» татар-башкорт ансамбле чыгыш ясады, диелгән хәбәрдә.