Татар дөньясы 12 август 2018 10:14

Нижгар татарлары "Җәйге очрашулар"га чакыра

Пилнә районы Петрякс авылында татар халык иҗаты фестивале уздырыла.

Скопировать ссылку

(Казан, 12 август, "Татар-информ"). 23 августта Түбән Новгород өлкәсе Пилнә районы Петрякс авылында “Җәйге очрашулар” III ачык өлкә татар халык иҗаты фестивале уздырыла. Бу хакта Нижгар татарларының "Нигез" якташлыгы хәбәр итә.

Фестиваль кысаларында, татар милли эшләнмәләреннән, камыр ризыкларыннан, кулланма сәнгать әйберләреннән күргәзмә оештыру һәм ул әйберләрне сату каралган.

Фестивальдә катнашырга җыр һәм бию ансамбльләре, фольклор төркемнәре, вокаль ансамбльләр, хорлар, хорегорафик төркемнәр, инструменталь оркестрлар һәм ансамбльләр, драматик һәм театр коллективлары чакырыла. Фестивальдә катнашуның төп шарты — киемнәрдә милли бизәкләр төшерелгән булу һәм чыгышларның татар телендә яңгыравы. Катнашучыларның яше чикләнмәгән, иҗат төркемнәренең 20 кешедән артмаган булуы мөһим.

#җәйге очрашулар #фестиваль #түбән новгород

Сәхифәләр

Нижгар татарлары "Җәйге очрашулар"га чакыра