Татар дөньясы 29 март 2018 12:20

Нижгар татарлары «Аулак өй»гә җыела

Монда идән келәмнәре үрү буенча мастер-класс, милли орнамент белән калфак бизәү, милли ризыклар белән чәй эчү дә каралган.

Скопировать ссылку

(Казан, 29 март, "Татар-информ"). Нижгар өлкәсенең татар милли мәдәни төбәк автономиясе каршындагы “Ак калфак” хатын-кызлар оешмасы чираттагы “Аулак өй”гә җыела. Бу хакта Бөтендөнья татар конгрессы сайты хәбәр итә.

Җыелышта 14 апрельдә узачак “Әниемнең җылы кочагы” бәйрәменә әзерлек турында сөйләшү булачак. Милли ризыклар әзерләү буенча, татар атрибутлары һәм гореф-гадәтләре белән бәйле мастер-класслар оештыру турында да сүз кузгатылачак.

Шулай ук идән келәмнәре үрү буенча мастер-класс, милли орнамент белән калфак бизәү, милли ризыклар белән чәй эчү дә каралган.

#Нижгар татарлары #«Аулак өй»

Сәхифәләр

Нижгар татарлары «Аулак өй»гә җыела