Җәмгыять 3 ноябрь 2016 18:23

Әниләр көнендә Казанда татар эстрадасы йолдызлары кечкенә пациентлар белән чыгыш ясый

"Әкият" курчак театрында узачак хәйрия концертында Республика балалар клиник хастаханәсендә дәваланучы кечкенә пациентлар катнашачак.

Скопировать ссылку

(Казан, 3 ноябрь, "Татар-информ"). Халыкара Әниләр көне һәм Бөтендөнья мәрхәмәтлелек көне уңаеннан 13 ноябрьдә Казанның "Әкият" курчак театрында хәйрия концерты үтәчәк. Анда Республика балалар клиник хастаханәсенең кечкенә пациентлары татар эстрадасы йолдызлары белән бергә чыгыш ясаячак.

"Җырла, бие, изгелек кыл" дип аталган чара хастаханәдә озак вакыт дәваланучы балалар һәм алар янәшәсендә булган әти-әниләре өчен зур вакыйга. Балалар кайда да үзләренә игътибар булганны бик яраталар.

Гаиләләр һәм татар эстрадасы йолдызларының бергәләп сәхнәдә чыгыш ясавы концертның үзенчәлекле мизгелләре булып торачак.

Концерт 14.00 сәгатьтә башлана.

#Әкият #Республика балалар клиник хастаханәсе

Сәхифәләр

Әниләр көнендә Казанда татар эстрадасы йолдызлары кечкенә пациентлар белән чыгыш ясый