Татар дөньясы 2 декабрь 2022 07:10

Нефтекама шәһәрендә «Туган телләр укытучысы – 2023» конкурсы башланды

Скопировать ссылку

1 декабрьдә Бакшортстанның Нефтекама шәһәрендә 13 нче мәктәптә «Туган телләр укытучысы – 2023» шәһәр конкурсының беренче туры узды. Конкурсант укытучылар үзләренең һөнәри осталыкларын күрсәткән ачык дәресләр күрсәттеләр, диелә «ВКонтакте»да Нефтекама шәһәрендә татар теле дигән төркемдә.

Конкурс талантлы, иҗади эшләүче педагогларны ачыклау һәм аларга ярдәм итү, башкорт, татар теле һәм әдәбиятының иң яхшы укытучыларының педагогик осталыгын тарату максатыннан үткәрелә.

6 декабрьдә конкурсның 2 туры – мастер-класслар күрсәтеләчәк. Конкурсантлар үз эш системасының иң нәтиҗәле элементларын һәм туган телләрне өйрәнүдә кулланыла торган методик алымнарны тәкъдим итә, диелә хәбәрдә.

Сәхифәләр

Нефтекама шәһәрендә «Туган телләр укытучысы – 2023» конкурсы башланды