Спорт 8 август 2017 07:31

"Нефтехимик" хоккейчылары Казахстан Президенты кубогы ярышларында уңышлы чыгыш ясый

Андрей Назаров шәкертләре ике уенда ике җиңү яулады.

Скопировать ссылку

(Казан, 8 август, "Татар-информ"). Түбән Каманың "Нефтехимик" хоккей командасы Казахстан Президенты кубогына сезон алды турнирында икенче уен рәттән җиңүгә иреште. Андрей Назаров шәкертләре турнирның икенче уенында боз хуҗалары – "Барыс" командасыннан өстен чыкты. Исәп – 2:1.

Казахстан Президенты кубогы өчен 6 команда – "Барыс", "Нефтехимик", "Авангард", "Адмирал", "Трактор" һәм Швейцариянең "Давос" клубы көч сынаша. Турнирның беренче уенында "Нефтехимик" хоккейчылары овертаймда "Трактор" командасыннан өстен чыккан иде. Ике турдан соң "Нефтехимик" турнир таблицасында беренче урында бара.

Бүген Түбән Кама хоккейчылары "Давос" командасы белән очраша.

Хоккей. Казахстан Президенты кубогы. "Барыс" (Астана, Казахстан) – "Нефтехимик" (Түбән Кама) – 1:2 (0:0, 1:2, 0:0). Голлар: Старченко (39) – Нестрашил (Порядин, 24), Авцин (Нестрашил, 38).

#"Нефтехимик" #хоккей

Сәхифәләр

"Нефтехимик" хоккейчылары Казахстан Президенты кубогы ярышларында уңышлы чыгыш ясый