Наркотикларны пропагандалау 2025 елның сентябреннән җинаять җәзасына тартылачак
2025 елның сентябреннән Интернетта наркотикларны пропагандалау җинаять җәзасына тартылачак. Бу хакта «Татар-информ»да узган матбугат очрашуында Татарстан буенча Эчке эшләр министрлыгының Наркотиклар әйләнешен контрольдә тоту идарәсе бүлеге җитәкчесе Әнвәр Кәримов искәртте, дип яза агентлык хәбәрчесе Роман Баданов.
«Наркотикларны пропагандалау белән көрәш – дәүләт сәясәтенең өстенлекле юнәлешләренең берсе. Моны 2025 елның 1 сентябреннән Интернет челтәрендә наркотикларны пропагандалаган өчен җинаять җаваплылыгы билгеләнүе дә раслый (РФ Җинаять кодексының 230.3 маддәсе). Әлеге маддәнең санкциясе ике елга кадәр иректән мәхрүм итү рәвешендәге җәзаны күздә тота», - дип хәбәр итте Әнвәр Кәримов.
Хәзерге вакытта мондый гамәлләр өчен административ җәза – штраф кына каралган. Әмма көздән наркотиклар рекламасы өчен җинаять җаваплылыгы булачак.