Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
1 сентябрьдән салым штрафларын ун тапкырга кадәр киметергә рөхсәт итәчәкләр
Җиңеләйтә торган шартлар булганда, салым штрафларын кимендә ике тапкыр (ләкин ун тапкырдан да артык түгел) киметергә мөмкин булачак. О.Е. Кутафин исемендәге Мәскәү дәүләт юридик университетының интеллектуаль хокуклар кафедрасы мөдире урынбасары, әлеге уку йорты каршындагы Юрист-блогерлар берлеге һәм Россия Юристлар ассоциациясе рәисе Елена Гринь ТАСС агентлыгына шул хакта сөйләде.
Яңа кагыйдәләр шул исәптән блог алып барудан кергән табыштан салым түләмәгән өчен җаваплылыкка тартылган блогерларга да кагылачак.
Юрист аңлатканча, элек Салым кодексы җиңеләйтә торган булганда штраф күләмен кимендә ике тапкыр киметергә рөхсәт иткән. Шул ук вакытта, закон бу рәвешле киметүнең югары чиген билгеләмәгән.
Елена Гринь сүзләренчә, җиңеләйтә торган шартларга авыр матди хәл, закон бозуны ирекле рәвештә туктату һәм башка факторлар керергә мөмкин.
Нигезләр булганда, салым түләүче билгеләнгән штрафны киметү үтенече белән Федераль салым хезмәтенә мөрәҗәгать итә алачак.
Яңа кагыйдәләрдән блогерлар да файдалана алыр дип көтелә. Гринь аңлатканча, әгәр Федераль салым хезмәте блог алып барудан кергән табыштан салым түләмәгән өчен штраф билгеләсә, салым түләүче җиңеләйтә торган шартлар булган очракта аны киметүне сорап мөрәҗәгать итә алачак.
Яңалыкларны күзәтеп бару өчен Макс-каналга язылыгыз