Рәсми Татарстан 17 декабрь 2014 21:37

Наил Зарипов Татарстанның Чирмешән районы башлыгы вазифасыннан китте

Аның белән бергә үз вазифасыннан башкарма комитет җитәкчесе дә китте

Скопировать ссылку

(Казан, 17 декабрь, «Татар-информ»). Бүген Татарстанның Чирмешән муниципаль районы башлыгы Наил Зарипов отставкага китте. Бу карар район Советының 56нчы утырышында кабул ителде. Бу хакта муниципаль берәмлек сайтында хәбәр ителә.

Сессиядә ТР Президенты Аппараты җитәкчесе Әсгать Сәфәров, ТР Дәүләт Советы депутаты Илгиз Салихов һәм ТР Муниципаль берәмлекләр советы рәисе Минсәгыйть Шакиров катнашты.

Искәртеп узабыз: Наил Зарипов Чирмешән районын 2013 елның сентябрь аеннан башлап җитәкләде, аңа кадәр ТРның Әзербайҗандагы даими вәкиле булып эшләгән иде.

Районның башкарма комитет җитәкчесе Әкдәс Шакиров та үз вазифасыннан китте, ул әлеге урында агымдагы елның сентябрь аеннан башлап эшләде.

Район башкарма комитет җитәкчесе вазифаларын башкаручы итеп Фердинат Дәүләтшин билгеләнде, ул 2006 елдан бирлеТатарстанның Әлки районына җитәкчелек иткән иде.

Фотосурәт xronika.az сайтыннан алынды.

Сәхифәләр

Наил Зарипов Татарстанның Чирмешән районы башлыгы вазифасыннан китте