Наил Мәһдиев: Югары активлык - ул безнең генетик код
Чаллы мэры Наил Мәһдиев бүген иртән 23 нче мәктәптәге сайлау участогында тавыш бирде.
Тавыш бирүдән соң ул сайлауларның ил өчен мөһим чорда узуын билгеләп үтте. Шәһәр башлыгы сүзләренчә, Чаллы халкы гадәттәгечә югары гражданлык активлыгы белән аерылып тора.
«Югары активлык - ул безнең генетик код!» – дип ассызыклады Наил Мәһдиев.
Ул билгеләп үткәнчә, Чаллы буш кырга килеп, үз хезмәтләре белән шәһәр һәм эре предприятие булдырган кешеләр тарафыннан төзелгән. Шәһәр башлыгы фикеренчә, бу вакыйга Чаллы халкының характерын формалаштырган: алар үз өсләренә җаваплылык алырга һәм теләсә нинди масштабтагы бурычларны бергәләп хәл итәргә күнеккән.
Хәзерге сайлауларның әһәмияте турында сөйләгәндә, Мәһдиев махсус хәрби операция шартларында илнең мөһим сәяси этап узуын билгеләп үтте.
«Без Дәүләт Думасын сайлыйбыз, һәм һәр гражданин өчен анда нинди көчләр тәкъдим ителәчәге һәм депутатларның кем мәнфәгатьләрен яклаячагы бик мөһим. Илебезнең, республикабызның, шәһәрнең һәм һәрберебезнең бүгенгесе һәм киләчәге шуңа бәйле», - дип белдерде мэр.
Чаллыда сайлау участоклары 8:00 дән 20:00 сәгатьә кадәр эшли. Тавыш бирү 20 сентябрьгә кадәр дәвам итәчәк.