Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Наил Мәһдиев Яр Чаллы башкарма комитеты җитәкчесе итеп билгеләнде
Шәһәр советы утырышында Татарстан Президенты катнашты
(Яр Чаллы, 16 октябрь, «Татар-информ», Евгений Сироткин). Бүген Яр Чаллыда шәһәр советының XXXIII утырышы узды, анда Яр Чаллы башкарма комитеты җитәкчесе сайланды. Утырышта Татарстан Президенты Рөстәм Миңнеханов катнашты.
Конкурс нәтиҗәләре буенча, башкарма комитет җитәкчесе вазыйфасына Үзәк район башлыгы Искәндәр Галимов һәм башкарма комитет вазыйфаларын башкаручы Наил Мәһдиев финал турына узды. Күпчелек тавыш белән Наил Мәһдиев сайланды.
Башкарма комитетның яңа җитәкчесе үз чыгышында хәл ителергә тиешле мәсьәләләрне белдерде. Бу – җир асты юлларын ремонтлау, мәдәният объектлары төзелеше, шәһәр инфраструктурасы үсеше, сәнәгать һәм башка парклар төзелешен тәмамлау. “Шәһәр, элеккечә, кече һәм урта бизнеска игътибар бирәчәк, шул ук вакытта эре бизнесны да онытырга ярамый. Безнең барыбызга да “КАМАЗ” һәм башка предприятиеләрне үстерү зарур", - диде ул.
Рөстәм Миңнеханов Башкарма комитетның яңа җитәкчесен котлады һәм уңышлар теләде. “Мондый эре шәһәрдә эшләү – җитәкчедән билгеле тәҗрибә таләп итә торган бик катлаулы һәм җаваплы бурыч. Яр Чаллы бай тарихка, традицияләргә ия, биредәге потенциалны саклау һәм гамәлгә ашыру зарур”, - диде ТР Президенты.
Шәһәр советы утырышында Рөстәм Миңнеханов республиканың Җиңү паркын төзекләндерүдә ярдәм итәчәге турында белдерде.
Яр Чаллы Кама сәнәгать кластеры үзәгендә урнашкан, бу шәһәргә яңа производстволар һәм булганнарын үстерергә ярдәм итә, дип искәртте Татарстан Президенты. “Чаллыда сәнәгать паркларын булдыру эше актив булырга тиеш, - дип белдерде республика башлыгы. – Шәһәр икътисадында кече һәм урта бизнесның өлеше 50 процентка җитәргә мөмкин, моның өчен мөмкинлекләр бар”.
Кызыклы яңалыкларны күзәтеп бару өчен Телеграм-каналга язылыгыз