Икътисад 29 декабрь 2017 16:12

Наил Мәһдиев: 2017 ел Чаллы икътисады өчен уңышлы булды

«КАМАЗ» предприятиесе ел нәтиҗәләре буенча 38,6 мең автомобиль эшләп чыгарачак. Бу, 2016 елга караганда, 11 процентка артыграк.

Скопировать ссылку

(Чаллы, 29 декабрь, «Татар-информ», Эльвира Мөхәммәтдинова). Чаллы мэры Наил Мәһдиев узып баручы елны шәһәр икътисады өчен уңышлы булды, диде. Автокала башлыгы «эшлекле дүшәмбе» киңәшмәсендә 2017 елга башлангыч нәтиҗәләр ясады.

Ел нәтиҗәләре буенча территориаль тулай продукт күләме 194,7 миллиард сум тәшкил итәчәк. Бу – узган елгы күрсәткечтән 2 процентка артыграк. Сәнәгый җитештерү күләмнәренең артуы да күзәтелә.

«Бу әле төгәл саннар түгел. Ахыргы нәтиҗәләрне ТР Дәүләт статистика комитеты март аенда игълан итәчәк. Әмма бүген үк Автокала икътисадының бер урында тормавын, алга таба хәрәкәт итүен күрәбез», - диде Наил Мәһдиев.

#Чаллы #Наил Мәһдиев

Сәхифәләр

Наил Мәһдиев: 2017 ел Чаллы икътисады өчен уңышлы булды