Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Наил Галәветдинов Мари Элда татар-башкорт көрәше мәктәбен яңадан ачарга кирәк дип саный
Оптимальләштерү программасына эләгеп, мәктәп ябылды, көрәш секция рәвешендә генә калды, дип борчылуын белдерде Мари Эл көрәш федерациясе рәисе.
(Казан, 25 март, “Татар-информ”, Алсу Исмәгыйлева). Мари Эл республикасының көрәш һәм билбаулы көрәш федерациясе рәисе Наил Галәветдинов республикада татар-башкорт көрәше мәктәбе ябылуына борчылу белдерде. Ул Татарстан Республикасы премьер-министры урынбасары, Милли Шура рәисе Васил Шәйхразиевтан мәктәпне яңадан ачуда ярдәм сорады.
“Хөкүмәт 2007 елда Мари Элда татар-башкорт мәктәбе оештырган иде. 2017 елда, оптимальләштерү программасына эләгеп, мәктәп ябылды, көрәш секция рәвешендә генә калды”, - дип сөйләде Наил Галәветдинов.
Ул мәктәпнең 10 ел эшләү дәверендә 6 спорт мастеры әзерләвен әйтте. Алар арасында Көрәш буенча дөнья чемпионатында абсолют батыр калган Муса Галләмовны атады. “Грек-рим көрәше буенча мәктәпне калдырдылар, гәрчә аларның нәтиҗәләре безнекеннән күпкә начар иде. Хәтта ирекле көрәшне дә калдырдылар. Ә татар-башкорт көрәше мәктәбен яптылар”, - дип сөйләде федерация рәисе.
“Хәзер аерым мәктәп булмагач, гомуми составта безнең тренерлар да юк”, - дип аңлатты Наил Галәветдинов.
Милли Шура рәисе әлеге мәсьәләне хәл итәргә булышырга әзер булуын әйтте. “Безнең федерация (Татарстан көрәш федерациясе – ТИ) ягыннан да әйтербез, башлыкка хат та язармын”, - диде ул.
Кызыклы яңалыкларны күзәтеп бару өчен Телеграм-каналга язылыгыз