Фән һәм мәгариф 1 декабрь 2009 17:06

Начар ишетүче балалар Түбән Камада башкару осталыгы конкурсында катнаша

Укучылар ишарәләп җырлау, хореография, ирекле номер (пантомима) номинацияләрендә осталыгын күрсәтәчәк

Скопировать ссылку

(Казан, 1 декабрь, “Татар-информ”). ТР Мәгариф һәм фән министрлыгы, Халыкара инвалидлар көне кысаларында, республиканың Түбән Кама муниципаль районы башкарма комитеты ярдәмендә 4 декабрьдә Начар ишетүче балаларның башкару осталыгы конкурсын уздыра.

ТР Мәгариф һәм фән министрлыгының рәсми сайты хәбәрләренә караганда, әлеге чарада Бөгелмә, Алабуга, Яр Чаллы, Казан һәм Әлмәт шәһәрләренең махсус (коррекцион) белем бирү учреждениеләреннән 110 баланың катнашуы көтелә. Укучылар ишарәләп җырлау, хореография, ирекле номер (пантомима) номинацияләрендә осталыгын күрсәтәчәк.

Сәхифәләр

Начар ишетүче балалар Түбән Камада башкару осталыгы конкурсында катнаша