Нәбиуллина 2027 елда инфляциянең 4 процентка кадәр кимүен фаразлады
Скопировать ссылку
База фаразы буенча, Россия Үзәк банкы киләсе елда инфляция дәрәҗәсенең 4 процент дәрәҗәсенә төшүен көтә. Бу хакта Үзәк банк рәисе Эльвира Нәбиуллина Дәүләт Думасында чыгыш ясаганда белдерде.
«Инфляция буенча 4 процент күрсәткеченә без киләсе елда ирешергә өметләнәбез. Бу безнең төп фараз. Ул шулай ук икътисадның акрынлап тизләнүен, икътисади үсешне һәм төп ставканың сак кына кимүен күздә тота», – диде ул.
Бу сценарийны тормышка ашыруның мөһим шарты итеп Нәбиуллина федераль бюджет проектына салынган кытлыкны акрынлап киметүне атады.