Татарстан хастаханәләренә талпаннан зыян күргән 6 меңгә якын кеше мөрәҗәгать иткән
Скопировать ссылку
Бүгенге көнгә Татарстан хастаханәләренә талпаннан зыян күргән 5881 кеше мөрәҗәгать иткән. Аларның 1253е -балалар, дип хәбәр итә Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе матбугат хезмәте.
Талпаннан зыян күрүчеләрнең күбесе Казан, Чаллы шәһәрләрендә һәм Әлмәт районында теркәлгән.
Талпан боррелиозының – 10, талпан энцефалитының читтән кертелгән өч очрагы ачыкланган. Урман бете кадалу очраклары Чиләбе, Кемерово өлкәләрендә һәм Новосибирскида ял иткән вакытта булган.