Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Мәрхәмәтле Татарстан» премиясенә рекордлы санда – 517 гариза килде
Волонтерлык өлкәсендә «Игелекле Татарстан» республика премиясе төбәк территориясендә иреклеләр эшчәнлеген гамәлгә ашыруда югары нәтиҗәләргә ирешкән волонтерларны ачыклау, аларга ярдәм итү һәм бүләкләү өчен конкурс форматында үткәрелә. Агымдагы сезонда премиягә Татарстанның 45 муниципалитетыннан 517 гариза килгән, дип хәбәр итә чараны оештыручылар.
Беренче тапкыр премия 2021 елда тапшырылды. Аңа кадәр волонтерлык өлкәсендә «Мәрхәмәтле Татарстан» Республика конкурсы оештырылды, ул 2010 елдан башлап ел саен уздырылды (2016 елга кадәр - «Ел волонтеры», 2019 елга кадәр «Татарстан волонтеры» дип атап йөртелде). 2021 елда премиягә - 270, 2022 елда - 289, 2023 елда – 302, ә 2024 елда 373 гариза килгән.
Премия волонтерларның социаль проектларын түгел, ә нәкъ менә эшчәнлеген бәяләүне күздә тота.
Премиядә сигез яшьтән башлап теләсә кайсы волонтер, «Волонтерлар» юнәлеше, «Командалар» юнәлеше һәм «Бизнес» юнәлеше буенча ирекле оешма яки бизнес вәкиле катнаша ала. «Татарстан Республикасының ел волонтеры» Гран-прие аерым тапшырыла.
Премиянең тематик мәйданчыкларда көндезге этапларны уздыру былтыргы яңалык булды. Бу концепция 2025 елда да сакланды. Болар - «Казан» Гаилә үзәге, «Ак Барс Арена», М.Н.Садыйков исемендәге 7нче дәүләт клиник хастаханәсе, «Добрый» лагере, зур янгыннарны сүндерү буенча 48нче янгын сүндерү-коткару часте һәм башкалар.
Моннан тыш, «Елның героик гамәле» махсус номинациясе һәм «Инклюзия өлкәсендә ел волонтеры» номинациясе барлыкка килде («Волонтерлар» юнәлеше буенча). «Игелекле эшләр марафоны» да күркәм гадәткә әверелде: бу юлы катнашучылар бер атна эчендә 319 игелекле гамәл кылган.
Көндезге этаплар 27 октябрьдән 14 ноябрьгә кадәр узды. Җиңүчеләр һәм премия лауреатлары конкурс йомгаклары буенча билгеләнде.
Кызыклы яңалыкларны күзәтеп бару өчен Телеграм-каналга язылыгыз