Әлки районында шәхси йортта чыккан янгында ир-ат һәлак булган
Скопировать ссылку
Фото: Россия Гадәттән тыш хәлләр министрлыгының ТР буенча Баш идарәсе
Әлки районы Түбән Әлморза авылының Озерная урамындагы бер катлы агач йортта янгын чыккан. Ялкын телләре 40 квадрат метр чамасы мәйданны ялмап алган.
Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, ут белән көрәшүчеләр янгынны сүндергән вакытта 65 яшьлек ир‑атның мәетен табып алган.
Якынча мәгълүматлар буенча, фаҗиганең сәбәбе - саксыз тәмәке тарту.
Фото: Россия Гадәттән тыш хәлләр министрлыгының ТР буенча Баш идарәсе