news_header_top
16+
news_header_bot
news_top

Әлмәт районындагы янгында ир-ат һәлак булган, ике кеше зыян күргән

Татарстанның Әлмәт районын Рус Акташы авылында бер шәхси йортта янгын чыккан.

Ут белән көрәшүчеләр килгәндә, бер катлы бүрәнә йорт, аның янкормасы һәм ишек алды корылмаларын ялкын телләре ялмап алган була.

Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, янгында 89 яшьлек хатын-кыз һәм 52 яшьлек ир-ат зыян күргән.

Янгынны сүндергән вакытта ут белән көрәшүчеләр 61 яшьлек ир-атның мәетен табып алган. Янгын электр җиһазын көйләү һәм эксплуатацияләү кагыйдәләрен бозу, шулай ук тәмәке тартканда ут белән саксыз эш итү сәбәпле чыккан дип фаразлана.

Россия Гадәттән тыш хәлләр министрлыгының ТР буенча Баш идарәсе видеосы

news_right_1
news_right_2
news_bot