Биектау районында электр җылыткычыннан чыккан янгында хатын-кыз һәлак булган
Скопировать ссылку
Татарстанның Биектау районы Биектау бистәсенең Пионерлар урамындагы шәхси йортларның берсендә янгын чыккан.
Россия Гадәттән тыш хәлләр министрлыгының ТР буенча Баш идарәсендә «Татар-информ» агентлыгына хәбәр итүләренчә, 54 квадрат метр мәйдандагы утны сүндергән вакытта ут белән көрәшүчеләр 44 яшьлек хатын-кыз мәетен тапкан.
Янгын төнгә кабызган килеш калдырылган электр җылыткычы авария режимында эшләү сәбәпле чыккан дип фаразлана.