Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
КазанФорумга Ислам хезмәттәшлеге оешмасы илләре министрлары һәм ИСЕСКО җитәкчелеге килә
«Россия – Ислам дөньясы: КазанФорум» форумына быел Ислам хезмәттәшлеге оешмасы илләренең мәдәният министрлары, шулай ук мәгариф, фән һәм мәдәният мәсьәләләре буенча Ислам оешмасы җитәкчелеге киләчәк. Татарстан Рәисе ярдәмчесе Марат Гатин «Татар-информ» агентлыгының баш мөхәррире Ринат Билаловка «12 кат» проектында биргән интервьюсында шулай дип белдерде.
«Быел Казан форумны ислам дөньясының мәдәни башкаласы статусында кабул итә. Мәсәлән, ИСЕСКО (мәгариф, фән һәм мәдәният мәсьәләләре буенча Ислам оешмасы, – Т-и иск.) һәм Ислам хезмәттәшлеге оешмасы илләренең мәдәният министрлары утырышлары узачак. Шулай ук Ислам хезмәттәшлеге оешмасы илләренең Үзәк банклары башлыклары, Генераль прокурорлар да җыела. Финанслауда партнерлыкны үстерү һәм ислам банкингы мәсьәләләренә зур игътибар биреләчәк», - дип хәбәр итте ул.
«Россия – Ислам дөньясы: Казанфорум» форумы илебезнең ислам дөньясы белән багланышлары өчен төп мәйданчыкка әверелде. Бу - диалогны конкрет килешүләр, инвестицияләр һәм гуманитар проектларга күчерү өчен төп алым. Ул төрле форматлы һәм төрле профильле чараларны үз эченә ала, дип искәртте Гатин.
Кызыклы яңалыкларны күзәтеп бару өчен Телеграм-каналга язылыгыз