Җәмгыять 30 ноябрь 2017 15:47

Һөнәри белем алган инвалидларның 55 проценты эшкә урнаша

Быел мөмкинлеге чикле 371 кеше һөнәри белем алган.

Скопировать ссылку

(Казан, 30 ноябрь, “Татар-информ”, Чулпан Шакирова). Татарстанда 287 377 инвалид исәпләнә. Шуның 14706сы - инвалид балалар. Быел мөмкинлеге чикле 371 кеше һөнәри белем алган яки белемнәрен арттырган.

Гомумән алганда, 2017 елда мәшгульлек үзәкләре аша, инвалидлык категориясенә керүче 2597 кешегә һөнәри белем алу, эшкә урнашу яки өстәмә белемгә ия булу тәкъдим ителгән.

“Шәхси тернәкләндерү программасына яраклы рәвештә, хезмәт базарында ихтыяҗ булган һөнәрләргә укытабыз. Болар арасында сакчы, ЭВМ операторы, хисапчы, персонал белән эшләү менеджеры, тегүче, пешекче һ.б.лар бар”, – диде Татарстан Республикасы хезмәт, мәшгульлек һәм социаль яклау министры Эльмира Зарипова.

Министр сүзләренчә, һөнәри белем алганнан соң инвалидларның 55%ы эшкә урнаша.

#ТР хезмәт #мәшгульлек #социаль яклау министрлыгы #Эльмира Зарипова #инвалидлар

Сәхифәләр

Һөнәри белем алган инвалидларның 55 проценты эшкә урнаша