news_header_top_970_100
16+
news_header_bot_970_100

«Нәүрүз» онлайн-форумына гаризалар кабул ителә

Форумда катнашучылар театр педагогикасы, актерлык осталыгы, актер һәм курчак театры режиссеры, менеджмент, PR-технологияләр һ.б. буенча лекцияләр һәм лабораторияләрдә катнашачак.

«Нәүрүз» онлайн-форумына гаризалар кабул ителә
Камал театрының матбугат хезмәте

(Казан, 12 май, «Татар-информ»). 8-17 июньдә Казанда VI Халыкара «Нәүрүз» театр-белем бирү фестиваль-форумы узачак. Коронавирус пандемиясе белән бәйле чикләүләргә бәйле, форум онлайн-форматта узачак. Бу хакта Камал театрының матбугат хезмәте хәбәр итә.

Катнашу өчен 5 июньгә кадәр гариза җибәрергә һәм театр сайтында теркәлү узарга кирәк.

Форумда катнашучылар онлайн-конференцияләр режимында лекцияләр тыңлый, семинарлар һәм лабораторияләрдә була алачак. Дәресләр сигез юнәлеш буенча узачак — актерлык осталыгы, сценография, курчак театры, режиссерлык сәнгате, театр тәнкыйте һ. б.

Фестиваль-форумның педагоглары Германия, Колумбия, Польша һәм Россиядән әйдәп баручы белгечләр, театр сәнгате һәм менеджмент өлкәсендәге күренекле шәхесләр булачак.

15-17 июньдә «Нәүрүз» фестиваль-форумы кысаларында театр мәгарифендәге яңалыклар турында фәнни онлайн-конференция узачак. Театр эшлеклеләре, экспертлар, педагоглар һәм тәнкыйтьчеләр театр белем бирү өлкәсендәге бүгенге вазгыять һәм тиз үзгәрүчән чынбарлык шартларында аның үсеш перспективалары турында фикер алышачак.

autoscroll_news_right_240_400_1
autoscroll_news_right_240_400_2
news_bot_970_100