Нәҗибә Ихсанова Яңа татар зиратына Туфан Миңнуллин янәшәсенә җирләнде
Татар җәмәгатьчелеге яраткан актрисасын соңгы юлга Камал театры алдындагы мәйданнан озатты.
Скопировать ссылку
(Казан, 15 март, «Татар-информ», Рузилә Мөхәммәтова). Легендар татар актрисасы Нәҗибә Ихсанова Яңа татар зиратында Туфан Миңнуллин янәшәсенә җирләнде.
Татар җәмәгатьчелеге яраткан актрисасын соңгы юлга Камал театры алдындагы мәйданнан озатты. Озату мәрасимен мәдәният министры Ирада Әюпова алып барды.
Хушлашу сүзләрен ТР Премьер-министры урынбасары Бөтендөнья татар конгрессының Милли Шура рәисе Васил Шәйхразиев, ТР һәм Россиянең халык артистлары Әзһәр Шакиров, Наилә Гәрәева, Татарстан язучылар берлеге рәисе, халык шагыйре Ркаил Зәйдулла әйтте.