news_header_bot_970_100
Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Музыка сөючеләргә Рөстәм Яхин рояле кайта
16 декабрьдә ТР Милли музеенда танылган татар композиторы һәм музыканты, Дәүләт гимны авторы Рөстәм Яхин уйнаган рояльне тәкъдир итү кичәсе узачак
Скопировать ссылку
(Казан, 14 декабрь, “Татар-информ”). 16 декабрьдә ТР Милли музеенда Бусыгин укулары кысаларында музейга тапшырылган сирәк экспонатны – танылган татар композиторы һәм музыканты, Дәүләт гимны авторы Рөстәм Яхин уйнаган рояльне тәкъдир итү кичәсе узачак.
Әлеге рояльне яңарту, реставрацияләү эшен фортепиано осталары С.Гурьянов һәм В.Киселев ике ел дәвамында башкарган. Музыка коралы 1901-1902 елларда дөньяда танылып өлгергән “Ronisch” фортепиано фирмасында ясалган. XIX гасырның урталарында ачылган әлеге фирмада җитештерелгән музыка коралларын патша һәм император сарайларында гына күрергә мөмкин булган. «Рёниш» рояльләрендә үз вакытында Рихард Штраус, Антон Рубинштейн, Эдвард Григ, Джакомо Пуччини, Сергей Рахманинов кебек күренекле композиторлар һәм музыкантлар уйнаган.
“Татарстан” журналында «Одинокий рояль желает познакомиться» мәкаләсенең чыгуы һәм Татарстан Хөкүмәтенең ярдәме белән уникаль музыка коралы Милли музей тупланмаларында урын алды.
14 сәгатьтә башланачак кичәдә рояльдә Татарстан һәм Россиянең танылган башкаручылары уйнаячак. Рояльне тәкъдир итүнең әһәмияте шунда: 2011 елда татар җәмәгатьчелеге Рөстәм Яхинның 90 еллык юбилеен билгеләп үтәчәк. Күренекле композитор үз көйләрен иҗат иткән рояль исә - музыкант тормышы белән бәйле кыйммәтле истәлек, дип хәбәр итә ТР Милли музейның матбугат хезмәте.
Әлеге рояльне яңарту, реставрацияләү эшен фортепиано осталары С.Гурьянов һәм В.Киселев ике ел дәвамында башкарган. Музыка коралы 1901-1902 елларда дөньяда танылып өлгергән “Ronisch” фортепиано фирмасында ясалган. XIX гасырның урталарында ачылган әлеге фирмада җитештерелгән музыка коралларын патша һәм император сарайларында гына күрергә мөмкин булган. «Рёниш» рояльләрендә үз вакытында Рихард Штраус, Антон Рубинштейн, Эдвард Григ, Джакомо Пуччини, Сергей Рахманинов кебек күренекле композиторлар һәм музыкантлар уйнаган.
“Татарстан” журналында «Одинокий рояль желает познакомиться» мәкаләсенең чыгуы һәм Татарстан Хөкүмәтенең ярдәме белән уникаль музыка коралы Милли музей тупланмаларында урын алды.
14 сәгатьтә башланачак кичәдә рояльдә Татарстан һәм Россиянең танылган башкаручылары уйнаячак. Рояльне тәкъдир итүнең әһәмияте шунда: 2011 елда татар җәмәгатьчелеге Рөстәм Яхинның 90 еллык юбилеен билгеләп үтәчәк. Күренекле композитор үз көйләрен иҗат иткән рояль исә - музыкант тормышы белән бәйле кыйммәтле истәлек, дип хәбәр итә ТР Милли музейның матбугат хезмәте.
Кызыклы яңалыкларны күзәтеп бару өчен Телеграм-каналга язылыгыз
autoscroll_news_right_240_400_2