news_header_top
16+
news_header_bot
news_top

Казанда җәяүлеләр кичүендә 28 яшьлек ир-атны троллейбус бәрдергән

Шуртыгин урамындагы юл-транспорт һәлакәте нәтиҗәсендә 28 яшьлек ир-ат зыян күргән. Казан шәһәре Дәүләт автоинспекциясендә «Татар-информ» агентлыгына хәбәр итүләренчә, ир-атны җәяүлеләр кичүендә 1нче маршрут троллейбусы бәрдергән.

Төрле тән җәрәхәтләре алган җәяүлене 7нче шәһәр хастаханәсенә озатканнар.

«Метроэлектротранс» оешмасында агентлыкка хәбәр итүләренчә, авария урынына Дәүләт автоинспекциясе хезмәткәрләрен һәм ашыгыч ярдәм чакыртканнар. Йөртүче сүзләренчә, егет аңында булган, ашыгыч ярдәм килгәнче троллейбуста утырган. Троллейбуслар хәрәкәте туктатылмаган.

news_right_1
news_right_2
news_bot