Казанда биш катлы йортта чыккан янгында ир-ат зыян күргән
Скопировать ссылку
Казанның Киров районы Шоссе тыкрыгындагы биш катлы йортта чыккан янгында 38 яшьлек ир-ат зыян күргән. Бу хакта Россия Гадәттән тыш хәлләр министрлыгының ТР буенча Баш идарәсе хәбәр итә. Янгын беренче каттагы бүлмәдә башланган.
Нәтиҗәдә, 1-2 дәрәҗәдә тәне пешкән һәм яну продуктлары белән агуланган ир-атны М.Н.Садыйков исемендәге 7нче шәһәр клиник хастаханәсенә китергәннәр. Янгынның мәйданы 4 квадрат метр тәшкил иткән. Ул электр җиһазын урнаштыру һәм эксплуатацияләү кагыйдәләрен бозу сәбәпле чыккан дип фаразлана.