Спорт 3 октябрь 2016 19:14

Мутко 2018 елда Казанда Дөнья чемпионаты вакытында Ураза бәйрәмен кичектерүне сорый

Традиция буенча "Kazan-Arena" стадионында массакүләм намаз укыла, уеннар вакытында бу мөмкин түгел.

Скопировать ссылку

(Казан, 3 октябрь, «Татар-информ»). 2018 елда Казанда Дөнья чемпионаты уеннары вакытында Ураза бәйрәмен кичектерергә мөмкиннәр. Бу хакта Life басмасы хәбәр итә.

Россия спорт министры Виталий Мутко төбәк башлыкларыннан Чемпионат һәм Конфедерацияләр кубогын үткәрү вакытында массакүләм чараларны кичектерүне сораган. Ул ФИФА нормаларын белдерә, эре чараларны Дөнья чемпионаты оештыру комитеты белән килешкәннән соң үткәрергә мөмкин.

Казанда Чемпионат көннәрендә Ураза бәйрәме билгеләп үтелә. Традиция буенча "Kazan-Arena" стадионында массакүләм намаз укыла, уеннар вакытында бу мөмкин түгел. Татарстан мөфтиенең беренче урынбасары Рөстәм Батров сүзләренчә, хәзер намаз уку урынын үзгәртү турында фикер алышалар, ә Ураза бәйрәме вакытын кичектерү мөмкин түгел.

#Виталий Мутко #ураза #Рөстәм Батров

Сәхифәләр

Мутко 2018 елда Казанда Дөнья чемпионаты вакытында Ураза бәйрәмен кичектерүне сорый