Мәдәният 10 февраль 2024 07:10

Муса Җәлилнең туган көнендә Түбән Камада Бөтенроссия форумы башлана

Скопировать ссылку

Түбән Камада күренекле татар шагыйре һәм Советлар Союзы Герое Муса Җәлилнең 118 еллыгына зур бәйрәм чаралары узачак. Бу хакта http://nkamsk-rt.ru/ сайтында хәбәр ителә.

15 февральдә 14 сәгатьтә һәйкәл янында төп әдәби митинг үткәрелә. Һәйкәлгә чәчәкләр салу планлаштырылган.

Шулай ук бу көнне мәктәпләрдә һәм балалар бакчаларында укучылар арасында конкурслар үткәрелә. Ә 1нче гимназиядә 10.00 сәгатьтә укучыларның һәм педагогларның «Сөй гомерне, сөй халыкны, сөй халыкның дөньясын» дип аталган Бөтенроссия тикшеренү, проект һәм иҗат эшләре форумы башлана.

15.00 сәгатьтә барлык теләүчеләрне «Заман» уку һәм аралашу үзәгенә «Шагыйрь һәм музыка» музыкаль-шигъри кичәгә чакыралар.

Моннан тыш, Түбән Кама мәдәният идарәсе «Гомерем минем моңлы бер җыр иде» онлайн-акциясен башлап җибәрә, анда теләге булган һәркем Муса Җәлил әсәрләренең видеоязмасын яздыра һәм ВКонтакте социаль челтәрендә #ЧитаемДжалиля2024 / #ҖәлилнеУкыйбыз2024 хештегларын кулланып куя ала.

#Түбән Кама

Сәхифәләр

Муса Җәлилнең туган көнендә Түбән Камада Бөтенроссия форумы башлана