Муса Җәлилнең шигырьләр җыентыгы һинди теленә тәрҗемә ителгән
Татар шагыйре Муса Җәлилнең һинди теленә тәрҗемә ителгән «Ватан» исемле шигырьләр җыентыгын Татарстан Милли китапханәсендә тәкъдим иттеләр. Вакыйга Казанда уза торган «ТАЙМ» Россия-Һиндстан бизнес-форумының бер өлеше булды.
Тәрҗемәне Джавахарлана Неру университетының рус тикшеренүләре үзәге доценты Сону Саини әфәнде эшләгән.
Җыентыкны Һиндстанның Казандагы Генераль консулы Джейсунхар Д укыган. Ул тәэсирләре белән уртаклашты.
Аның фикеренчә, һәйкәле нәкъ менә Казан Кремле диварлары янында урнашкан Муса Җәлилнең һинди теленә тәрҗемә ителгән беренче татар авторы булуы гаҗәп түгел. Әмма алда Габдулла Тукайны тәрҗемә итү буенча башка проектлар да булырга мөмкин, дип өстәде ул.