Татар әдәбияты 1 май 2023 00:04

Муса Җәлил. Тик булса иде ирек

Скопировать ссылку

(Җыр)

Карлыгач булса идем,
Канат кагынса идем,
Җидегән йолдыз батканда,
Чулпан йолдыз калыкканда,
Туган илем, якты өем,
Очып сиңа кайтыр идем,
Сызылып таңнар атканда.

Йә булсам алтын балык,
Ак дулкыннарын кагып,
Ярсып дәрья акканда,
Ташып ярдан ашканда,
Таң сөмбелем, нечкә билем,
Йөзеп сиңа кайтыр идем,
Күлне томан япканда.

Булсам җитез аргамак,
Көмеш ялымны тарап,
Таң җилләре искәндә,
Үләнгә чык төшкәндә,
Чулпан кызым, таң йолдызым,
Чабып сиңа кайтыр идем,
Гөлләр хуш ис сипкәндә.

Юк, барсыннан да элек,
Тик булса иде ирек,
Кылчым булса кынымда,
Карабиным кулымда,
Сине саклап, туган җирем,
Мин ирләрчә үләр идем
Данлы сугыш кырында.
(1942)

Муса Джалиль. Лишь была бы волюшка (Перевод Тамары Ян)

Если б ласточкой я был,
Если б крыльями я бил,
В час, когда рассвет блеснет
И Чулпан-звезда взойдет,
Дом родной, страна моя,
Прилетел к тебе бы я,
Только свет заря прольет.

Был бы рыбкой золотой,
В час, когда волной крутой
Белая кипит река,
Затопляя берега,
Тонкобедрая моя,
Верь, приплыл к тебе бы я,
Лишь туман падет в луга.

Был бы быстрым я конем,
В час, когда живым огнем
На траве роса блеснет,
Ветер гриву разовьет,
Дочь моя, звезда моя,
Прибежал к тебе бы я,
Лишь цветами ночь дохнет.

Нет, лишь воля мне мила,
Лишь бы воля мне была --
Я бы саблю в руки взял,
Карабин свой верный взял,
Край любимый мой, тебя
Защитил бы я, любя,
В славной битве храбро пал!
(1942)

#Муса Җәлил #Муса Жэлил #Муса Джалиль

Сәхифәләр

Муса Җәлил. Тик булса иде ирек