Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Муса Җәлил призына баскетбол турниры уздырылды
Бөтендөнья татар конгрессының Милли Шура рәисе Васил Шәйхразыев эш сәфәре белән Кыргызстанда. Ул Муса Җәлил призына уздырылган баскетбол турниры җиңүчеләрен бүләкләде, дип хәбәр итә конгресс матбугат хезмәте.
Әлеге ярыш ике көн дәвамында барган. Анда 7-11 сыйныф укучылары арасыннан 8 команда катнашкан. Бер кызлар командасы да булган. Бүген аларны тәбрикләү тантанасы узып, анда Милли Шура рәисе Васил Шәйхразыев, Кыргызстан Республикасы Министрлар кабинеты рәисе урынбасары Эдиль Байсалов, Россия Федерациясенең Кыргызстандагы Илчелеге киңәшчесе Альберт Зөлхарнеев җиңүчеләрне Кубок һәм медальләр белән бүләкләде.
Шулай ук Казан шәһәренең «Уникс» баскетбол командасыннан җиңүчеләргә махсус бүләкләр тапшырылды. Бу бүләкләр яшь спортчыларны яңа җиңүләргә әйдәде, яңа үрләр яуларга омтылыш уятты.
Милли Шура рәисе билгеләвенчә, Муса Җәлил кубогы турнирының җиңүчеләрен бүләкләү тантанасында ике республика гимны яңгыравы – ул бәйгегә мәртәбә өстәде. Алдагы елларда да әлеге ярыш киң колач алыр, дәвамлы булыр дип ышаныч белдерде.
Кызыклы яңалыкларны күзәтеп бару өчен Телеграм-каналга язылыгыз