Җәмгыять 30 ноябрь 2018 09:27

Мурманск шәһәрендә мәдрәсә шәкертләре әниләре өчен бәйрәм оештырган

Мәхәллә активистлары һәм волонтерлар исә Мурманск шәһәре үзәгендә «Оҗмах аналарның аяк астында» дигән акция үткәргән.

Скопировать ссылку

(Казан, 30 ноябрь, «Татар-информ»). 25 ноябрьдә бөтен дөньяда Әниләр көнендә Мурманск шәһәре һәм өлкәсе мөселманнары Диния нәзарәте ислам үзәгендә әниләргә карата яхшы мөнәсәбәтнең әһәмиятенә басым ясауга юнәлдерелгән чаралар узган. Бу хакта Мурманск шәһәре һәм өлкәсе мөселманнары Диния нәзарәте матбугат хезмәте хәбәр итә.

Мурманск шәһәре ислам үзәге мәдрәсәсе шәкертләре үз әниләре өчен бәйрәм оештырган. Аларны чәй белән сыйлаганнар, шигырьләр сөйләгәннәр, үз куллары белән бизәнү әйберләре, брошкалар ясаганнар.

Мәхәллә активистлары һәм волонтерлар исә Мурманск шәһәре үзәгендә «Оҗмах аналарның аяк астында» дигән акция үткәргән, шушы көнгә дип махсус әзерләнгән открыткалар таратканнар.

#мурманск

Сәхифәләр

Мурманск шәһәрендә мәдрәсә шәкертләре әниләре өчен бәйрәм оештырган