Мурманск шәһәрендә 30 августта Татарстан Республикасы көнен билгеләп үтәчәкләр
Скопировать ссылку
«Якташ» татар мәдәни җәмгыяте Мурманскида Татарстан Республикасы көненә багышланган бәйрәм чарасы уздыра. Ул 30 августта Мурманск өлкәсенең Дуслык Йортында узачак, дип хәбәр иттеләр оештыручылар үз социаль челтәрләрендә.
Бәйрәм программасы 14:00 сәгатьтә башлана. Чара кысаларында артистлар катнашында концерт, татарлар һәм татар мәдәнияте турында лекция һәм бүләкләр белән викторина узачак. Кунаклар шулай ук арт-объект булдыруда катнаша һәм фикердәшләре белән аралаша алачак.
Чара Мурманск өлкәсенең эчке сәясәт министрлыгы ярдәмендә уздырыла.