Җәмгыять 12 апрель 2024 20:57

Мурашко «Крокус»тагы теракт вакытында зыян күрүчеләрнең хәле турында сөйләде

Скопировать ссылку

«Крокус»тагы терактта зыян күргән 34 кеше хастаханәдә кала, аларның икесе бик авыр хәлдә, дүртесе, шул исәптән бер бала, авыр хәлдә, дип белдерде РИА Новостига Россия Сәламәтлек саклау министры Михаил Мурашко.

«Крокус Сити Холл»да 34 зыян күрүче стационар дәвалануда кала. Аларның икесенең хәле бик авыр, табиблар аларның тормышлары өчен көрәшәләр. Тагын дүрт кеше авыр хәлдә, шул исәптән бер бала», - диде Мурашко.

Мәскәү янындагы Красногорск шәһәренең «Крокус Сити холл» концерт залында террор акты 22 мартта була: һөҗүм итүчеләр бинада булган кешеләргә автоматтан ут ачалар һәм тамаша залын яндыралар. Соңгы мәгълүматлар буенча 145 кеше һәлак булган.

Россия Президенты Владимир Путин Россиянең җентекләп планлаштырылган теракт белән генә түгел, ә тыныч кешеләрне күпләп үтерү фаҗигасе белән очрашканын билгеләп үтте. Президент бу җинаятьне башкаручыларның, оештыручыларның һәм заказчыларның барысы да гадел һәм котылгысыз җәза алачагын искәртте.

Сәхифәләр

Мурашко «Крокус»тагы теракт вакытында зыян күрүчеләрнең хәле турында сөйләде