Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Можгада үткән Коръән укучылар бәйгесен балалар бәяләгән
Жюри Коръәннең дөрес укылышына игътибар иткән.
(Казан, 23 апрель, "Татар-информ"). Можгада үткән Коръән укучылар бәйгесен балалар бәяләгән. Бу хакта "Яңарыш" газетасы сайты хәбәр итә.
“Бүгенге көндә Можга мәдрәсәсенә кырыкка якын бала йөри, Аллаһка шөкер, дин нигезләрен өйрәнергә теләүчеләр саны арта. Гарәп хәрефләрен өйрәнүдән тыш, Коръәннең дөрес укылышына игътибар итәбез”, — дип сөйләде мөгаллимә Әлфия Газизуллина. Алты яшьлек Сания мәдрәсәгә узган ел гына йөри башлаган. “Берничә ай эчендә “Нәс” сүрәсен яттан өйрәнгән. “Безнең мәдрәсәдә укулар бик әйбәт оештырылган, безгә бик ошый, оныкчыгым да кызыксынып йөри”, — ди Саниянең әбисе Зөлфирә Мәрданова.
Бәйгенең үзенчәлеге: балаларның Коръән уку осталыгын бу юлы балалар бәяләде. Жюрида Кәримә, Ясминә, Хәким Газизовлар утырдылар. Алар бәйгедә катнашучыларны 4 шарт буенча бәяләделәр. Иң яшь катнашучы — 3 яшьлек Айсель Габидуллина, иң зурысы — 14 яшьлек Рәшит Хөрмәтов булды.
Жюри нәтиҗә ясаган вакытта, балалар мәчет ашханәсендә чәй эчеп алдылар.
Һәм менә ул тантаналы мизгелләр. Иң кечкенәләр арасында 1 урынга Хәдичә Субаева лаек булды. 2 урынга — Суфия Хөрмәтова, 3 урынга Әминә Сафина ия булды. Мәктәп балалары категориясендә беренчелекне Энҗе Сәгыйтова алды, 2 урында — Рәшит Хөрмәтов, 3 урында – Кәрим Миндеев.
Кызыклы яңалыкларны күзәтеп бару өчен Телеграм-каналга язылыгыз